Урд шөнө 00.40 цагийн орчимд Хан-Уул дүүргийн II хороонд байрлах АПУ ХК-ийн хойд уулзварт 63-..УНЦ улсын дугаартай, хар өнгийн ниссан теана автомашин зам тээврийн ноцтой осол гаргажээ. Энэхүү автомашиныг УИХ-ын гишүүн Б.Пүрэвдорж жолоодож явсан бөгөөд архи, согтууруулах ундаа хэрэглэсэн гэдэг мэдээлэл байгаа юм.
Тэрбээр 67-..УНЦ дугаартай тоёота приус-20 маркын автомашиныг мөргөж, зогссон байна. Ослын дараа автомашин урд хэсгээсээ шатаж эхэлсэн бөгөөд Онцгой байдлын байгууллага руу дуудлага өгч, хаагчид шуурхай ажиллаж, аюулгүй болгожээ. Энэ талаар УИХ-ын гишүүн Б.Пүрэвдорж руу залгаж, тодруулах гэсэн боловч утас нь холбогдох боломжгүй байсан юм.