ҮЙЛ ЯВДЛЫН ТОВЧООН

УИХ-ын завсарлага өнөөдөр дуусна

Х.БОЛОР (сэтгүүлч)
2019-06-27

УИХ-аар Монгол Улсын Үндсэн хуульд нэмэлт өөрчлөлт оруулах тухай хуулийн төслийг хэлэлцэж эхэлсэнтэй холбогдуулж, өнгөрсөн долоо хоногоос гишүүд тойрогтоо ажиллан чуулганыг түр завсарлуулсан. УИХ-ын завсарлага өнөөдөр дуусч, гишүүд Үндсэн хуульд нэмэлт өөрчлөлт оруулах тухай хуулийн төслийн хэлэлцүүлгээ үргэлжлүүлэх учиртай ч олонх нь тойргоосоо ирж амжаагүй байгаа тул маргааш хуралдах байсан УИХ дахь МАН-ын бүлгийн хуралдаан, Байнгын хорооны хуралдаан зэрэг цуцлагдах нөхцөл байдал үүсчээ. УИХ-ын Тамгын газраас гаргасан хуваариар бол УИХ дахь МАН-ын бүлэг маргааш хуралдаж, гишүүд тойрогтоо ажилласан мэдээллээ танилцуулахаар төлөвлөөд байсан юм. УИХ-ын гишүүдийг тойрогтоо ажиллаж, сонгогчиддоо Үндсэн хуульд нэмэлт өөрчлөлт оруулах тухай хуулийн төслийн танилцуулга хийх үеэр уг төсөлтэй холбогдуулан 20 мянга гаруй иргэний санал ирээд байсан билээ.