ҮЙЛ ЯВДЛЫН ТОВЧООН

Засгийн газар хэрэглэгчийн эрхийг хамгаалах талаар хуралдаж байна

Х.БОЛОР (сэтгүүлч)
2019-09-18

Засгийн газрын ээлжит хуралдаан өнөөдөр 08:00 цагт эхэлжээ. Хуралдаанаар 20 гаруй асуудал хэлэлцэхээр төлөвлөсөн байна. Тухайлбал, Хэрэглэгчийн эрхийг хамгаалах хуулийн төслийг хэлэлцээд УИХ-д өргөн барихаар болжээ. Үүнд цахим худалдааны улмаас зөрчигдөх эрхийг хамгаалах заалтыг оруулсан байна.

Мөн бичил уурхайн талаар авах зарим арга хэмжээний тухай тогтоолыг баталлаа. Тодруулбал,  нөхөн сэргээх болон хууль, журам зөрчсөн бичил уурхайнуудыг цуцлах, хууль бусаар олборлолт хийж байгаль орчин сүйтгэсэн иргэн, аж ахуй нэгжид эрүү үүсгэх гэх мэт хариуцлагын асуудлыг орон нутаг, төрийн бүх шатанд чандлан хэрэгжүүлэхийг холбогдох сайд, дарга нарт үүрэг болгожээ.

Засгийн газрын хуралдаан үргэлжилж байна.