Монгол Улсын Ерөнхийлөгч Халтмаагийн Баттулгын ивээл дор Улсын аварга шалгаруулах Хурдан тэмээний уралдаан энэ амралтын өдрүүдэд Өмнөговь аймгийн Даланзадгад хотод болж байна.
Тэмээний уралдаанаар тором, тайлаг, бүдүүн тэмээний уралдаан, тэмээтэй буухиа уралдаан, богино зайны 2000 метрийн уралдаан зохион байгуулахаас гадна энэ үеэр гоё тэмээтэй сайхан хосыг шалгаруулах ажээ.
Мөн уралдааны үеэр тэмээчдийн зөвлөгөөнийг зохион байгуулах юм. Тэмээний уралдаанд Өмнөговь, Дорноговь, Дундговь, Говь-Алтай, Өвөрхангай, Баянхонгор аймгийн тэмээчид оролцохоор бүртгүүлжээ. Тэмээний уралдааныг Монгол Улсын Ерөнхийлөгчийн ивээл дор Өмнөговь аймгийн Засаг даргын Тамгын газар, Тэмээн соёл уралдааны холбооноос зохион байгуулж байна.