Гашуунсухайт чиглэлийн нүүрсний тээвэрлэлт энэ сарын 15-наас хэвийн үргэлжлэхээр болсон билээ. Энэхүү шийдвэрийг Засгийн газрын хуралдаанаар гаргасан бөгөөд нүүрсний тээвэрлэлтэд ажиллах жолоочдыг тусгай зориулалтын хувцас, өмсгөлөөр хангахын зэрэгцээ эрүүл мэндэд нь онцгойлон анхаарах аж. Өмнө нь БНХАУ-ын хил рүү 600-700 нүүрсний тээвэрлэлт хийдэг машиныг хилээр нэвтрүүлж байсан бол энэ удаад 300-350 цөөлсөн байна.