Хакүхо М.Даваажаргал Абигаар найм давлаа

Б.ГАНЗОРИГ
2020-03-16

Японы мэргэжлийн сүмо бөхийн хаврын башё буюу гуравдугаар сарын башё найм дахь өдрөө өчигдөр үргэлжиллээ. Тус тэмцээн шинэ коронавирусийн халдвар болж анх удаа үзэгчгүйгээр зохион байгуулахаар болсноо билээ.

Хаврын башёд мэргэжлийн сүмогийн 69 дэх их аварга Хакүхо М.Даваажаргал меагаширагийн 4-өөс барилдах Абитэй барилдаж давснаар найм дахь учраа бөхөө өвдөг шороодуулж качигоши хийлээ. Харин 71 дэх их аварга Какүрюү М.Ананд меагаширагийн 3-аас барилдах Митакэүмитэй барилдаж давлаа. Тэрбээр 6 даваа 2 унаатай боллоо.

Одоогоор тус башёг Ёкозүна Хакүхо М.Даваажаргал ганцаар башёг тэргүүлж байгаа бол меагаширагийн 9-өөс  барилдах Таканоши,  меагаширагийн 13-аас  барилдах Аояама нар башёг нэг унаатайгаар араас нь нэхэж байна.

Өнөөдөр Какүрюү М.Ананд меагаширагийн 4-өөс барилдах Абитэй барилдах бол Хакүхо М.Даваажаргал меагаширагийн 5-аас барилдах Рюдэнтэй барилдана.

Бусад бөхчүүд

Ёкозүно Хакүхо М.Даваажаргал 8-0

Ёкозүно Какүрюү М.Ананд 6-2

Меагаширагийн 7 Тамаваши Б.Мөнх-Оргил 2-6

Меагаширагийн 8 Кирибаяма Б.Лхагвасүрэн 4-4

Меагаширагийн 16 Азүмарү С.Тодбилэг 4-4