Ардчиллын төлөөх улс төрийн намууд нэгдэж, Ардчилсан нам байгуулсан түүхт ойн баярын өнөөдөр болж байна. Тэгвэл АН-ын дарга С.Эрдэнэ өнөөдөр АН-ын гишүүд, дэмжигчид, мөн ардчиллыг дэмжигч монголчуудад хандан мэндчилгээ дэвшүүлжээ. Тус мэндчилгээнд, 

"Ардчилсан Монгол Улсын нийт иргэд, эрхэм журмын нөхөд та бүхэндээ Ардчилсан нам байгуулагдсаны 30 жилийн ойн баярын мэндийг хүргэе. Монгол Улсад анх удаа олон намын тогтолцоот төр бий болсныг зарлан тунхаглаж, үзэл бодол үйл хэргээрээ эвлэлдэн нэгдэх түүчээ болсон Ардчилсан нам өдгөө 30 нас хүрч, хүнээр бол эрийн цээнд хүрчээ.

Эр бяр нь жагсч, эрдэм оюун нь төлөвшсөн шинэ цагийн улс төрийн хүчин болон хөгжиж буй Ардчилсан намын гишүүд дэмжигчид та бүхэндээ энэ сайхан ойн баярын мэндийг хүргэхийн зэрэгцээ амьдралд нь аз жаргал сайн сайхан бүхнийг хүсэн ерөөе.

УИХ-ын гишүүн, Ардчилсан намын дарга Содномзундуйн Эрдэнэ" хэмээжээ.