СЕХ-оос УИХ-ын сонгуулийн талаар мэдээлэл хийж байгаа билээ. Энэ үеэр СЕХ-ны дарга Ч.Содномцэрэнгээс сэтгүүлчид  асуулт асуулаа.

-Сонгуулийн үр дүнг хэзээ Ерөнхийлөгчид  өргөн мэдүүлэх вэ?

-Ерөнхийлөгчид  өргөн мэдүүлэхээр цаг авахаар хүсэлт тавьсан. Хуулиараа  УИХ болон Ерөнхийлөгчид  өргөн мэдүүлэх ёстой.  УИХ-д  ирэх даваа гарагт  өргөн мэдүүлнэ. Ерөнхийлөгч хараахан цаг өгөөгүй байна.

-Бие даагчид гомдол ирүүлж байгаа энэ талаар мэдээлэл өгөөч?

-Хардлага зөвхөн энэ удаад ч биш,  өмнө нь ч байсан. СЕХ хуулиа баримталж ажилласан. Гарсан 76 хүнийг Ард түмэн  эрэмбэлсэн. Гомдолтой байгаа бол шалгадаг,  хянадаг байгууллага байгаа. Тэдэнд хандаж болно.

-Нэр дэвшигчийг цагдан хорьсон. Энэ тал дээр танайх ямар байр суурьтай байгаа вэ?

-Энэ асуудлаар шүүхээс манайд хандсан. Нэр дэвшигчийн нам эвсэл, өмгөөлөгч нар хандсан. СЕХ тухай бүрт нь хариуг өгсөн.  Баривчлах хүсэлт, тайлбар нэг ч газраас ирүүлээгүй. Мөн 606 нэр дэвшигчийг СЕХ бүтнээр нь сонгуульд авч орсон.

-Хорих ангиас ялалт байгуулсан Ж.Эрдэнэбат яах вэ?

-Сэлэнгэ аймагт нэр дэвшсэн Жаргалтулгын Эрдэнэбатыг СЕХ ялснаар бүртгэж, УИХ-ын гишүүний үнэмлэх олгох шийдвэр гарсан.

-Хяналтын тооллого дахин хийх үү?

-Хяналтын тооллогыг 41 хувьд нь хийсэн. СЕХ –оос 100 хувь  хяналтын тооллого хийе гэдэг саналыг УИХ-д оруулсан ч хүлээж аваагүй. Манай байгууллага та бүхэнтэй адил саналтай байдаг.