ҮЙЛ ЯВДЛЫН ТОВЧООН

ТББХ: Ерөнхийлөгчийн хоригийг хүлээж авсангүй

Б.ПҮРЭВЖАВ (сэтгүүлч)
2021-05-19

УИХ-ын Төрийн байгуулалтын байнгын хорооны өнөөдрийн хуралдаанаар Монгол Улсын Ерөнхийлөгчийн сонгуулийн тухай хуульд өөрчлөлт оруулах тухай хуульд бүхэлд нь тавьсан Ерөнхийлөгчийн хоригийг хэлэлцлээ.

Үндсэн хуулийн цэц Ерөнхийлөгчийн сонгуулийн тухай хуульд өмнө нь ажиллаж байсан болон одоо ажиллаж байгаа Ерөнхийлөгч дахин нэр дэвшихгүй гэсэн зохицуулалтыг оруулаагүй нь Үндсэн хууль зөрчсөн үйлдэл болсноос гадна хууль зүйн маргаан үүсгэж байна гэж дүгнэсэн юм. Цэцийн уг дүгнэлтийг УИХ хүлээн авч, Ерөнхийлөгчийн сонгуулийн тухай хуульд өөрчлөлт оруулан өмнө нь Ерөнхийлөгчөөр ажиллаж байсан болон одоогийн Ерөнхийлөгч дахин нэр дэвшихгүй байх заалтыг нэмсэн. Гэвч Ерөнхийлөгч УИХ-ын энэ шийдвэрт хориг тавьсан билээ. Тус хоригийг ЕТГ-ын дарга Ө.Шижир байнгын хороонд танилцууллаа. Ингээд олонхийн саналаар хоригийг хүлээж авсангүй.