“Улаанбаатар төмөр зам”-ын даргаар томилогдсон Х.Хэрлэн албан ёсоор ажлаа хүлээн авчээ. Түүнд албаны тамга тэмдгийг УБТЗ-ын нэгдүгээр орлогч дарга И.В.Милостных гардуулж өгсөн байна.
Эргэн сануулахад өнгөрөгч 11 дүгээр сарын 30-нд Улаанбаатар төмөр зам ХНН-ийн ерөнхий хороо буюу ТУЗ хуралдаж төмөр замын удирдлагаар Х.Хэрлэнг томилсон билээ.
ХИШИГЖАРГАЛЫН ХЭРЛЭНГИЙН ТАНИЛЦУУЛГА
Х.Хэрлэн нь 1967 онд Хэнтий аймагт төрсөн.
Эзэмшсэн боловсрол:
1985-1991 онд Политехникийн Дээд сургуулийг барилгын инженер мэргэжлээр
1999-2001 онд МУИС-ийн ХЗДС-ийг Эрх зүйч мэргэжлээр тус тус суралцаж төгссөн. Техникийн Ухааны магистр зэрэгтэй.
Ажилласан байдал:
1991-1992 онд Барилгын зургийн институтэд Зургийн техникч
1995-1999 онд “Үлэмж” ХХК-ийн Дэд захирал
2000-2006 онд АМХЭГ-ын Геологи Уул Уурхайн Кадастрын албаны дарга
2006-2007 онд Үйлдвэр Худалдааны Яамны Хөнгөн үйлдвэрийн газрын Орлогч дарга
2008-2010 онд “Эйч ти эм” ХХК-ийн Захирал
2010-2012 онд ТӨХ-ны Төрийн өмчийн удирдлага, хувьчлалын газрын дарга
2012-2016 онд “Эйч ти эм” ХХК-ийн Захирал
2016-2017 оны “Монголын Төмөр Зам” ТӨХК-ийн Гүйцэтгэх захирал
Монгол Улсын Засгийн газрын 2017 оны 12 дугаар сарын 6-ны өдрийн 334 дүгээр тогтоолоор Засгийн Газрын Хэрэгжүүлэгч Агентлаг Ашигт малтмал газрын тосны газрын даргаар томилогдон ажиллаж байгаад үүрэгт ажлаа хүлээлгэн өгч өдгөө УБТЗ-ын даргаар томилогдож байна.