ҮЙЛ ЯВДЛЫН ТОВЧООН

Д.Нарангэрэл: Омикроноор 0-5 насны хүүхдүүд ларингит, хатгаа, менингитээр хүндрэх эрсдэлтэй

O.Admin
2022-01-19

Эрүүл мэндийн яамны ахлах шинжээч Д.Нарангэрэл омикрон хувилбарын талаар судалж мэдсэн зүйл болон учирч болзошгүй эрсдлийн талаар өөрийн нүүр номдоо зөвлөгөө мэдээлэл оруулдаг билээ. Тэгвэл энэ удаа омикрон хувилбар бага насны хүүхдүүдэд ямар шинж тэмдгээр илэрч болох вэ гэдэг талаар мэдээлэл зөвлөгөө оруулсан байна.

Тэрбээр, “Омикроноор 0-5 насны хүүхдүүд ларингит, хатгаа, менингитээр хүндрэх эрсдэл их байна. Айлгах гээгүй анхааруулж байгаа юм шүү. Иймээс Эцэг эхчүүд хүүхдүүдээ онцгой анхаарал халамж тавих.

Үүнд:

1. Бага насны хүүхдийг дэлгүүр, худалдаа, олон нийтийн болон хоолны газраар дагуулж явахгүй байх,

2. Хүүхдийн ам, хоолойг өглөө, өдөр, орой сод, давс (жамц давс бол бүүр сайн), тамидин зэргийн уусмалаар ээлжлэн 7-10 хоног сайтар зайлах, арчих,

3. Гарыг нь сайтар савандаж угааж сургах,

4. Хүүхдийн тоглоомыг давс, содтой усаар өдөр бүр угааж цэвэрлэх,

5. Хөнжил, гудсыг нь наранд тавих,

6. Өрөө тасалгааны цонхыг ээлжлэн өдрийн цагаар 10-15 минут нээж агаар сэлгэх, чийгтэй цэвэрлэгээ хийх,

7.Хүүхдийн хөтөвч, ОО-ийн өрөөг ахуйн хэрэглээний бодисоор өдөр бүр цэвэрлэх,

8. Хүүхдээ асрах, хөхүүлэхээс өмнө гараа сайтар савандаж угаах

9. Хүүхдийг шүлсдэж үнсэхгүй байх.

Хүүхэд гэнэт өндөр халуурах (38,5 түүнээс дээш), биеэр тууралт гарах, бөөлжих, хамар урвалын гурвалжин хөхрөх, амьсгаадах зэрэг шинж тэмдэг илэрвэл нэн ЯАРАЛТАЙ өрхийн болон эрүүл мэндийн байгуулагад хандаарай. Цаг алдаж огтоос болохгүй шүү.

Өнөөгийн байдлаас харахад ер нь сургуулийн танхимын сургалтыг 14 хоногоор хойшлуулж цахимаар оруулах нь зүйтэй санагдана” хэмээжээ.