Фото мэдээ: Сагсан бөмбөгийн 3х3 төрлийн эрэгтэй баг 1 хожил, 1 хожигдлоо

O.Admin
2022-06-23

Монголын эрэгтэй болон эмэгтэй 3х3 сагсан бөмбөгийн шигшээ баг дэлхийн аварга шалгаруулах тэмцээнд оролцож байгаа билээ. Өчигдөр буюу 2022 оны зургадугаар сарын 22-нд манай багууд эхний тоглолтуудаа хийлээ. 

Манай эрэгтэй шигшээ эхний тоглолтодоо Тайваны багтай хийж 22-15 харьцаагаар хожиж эхний хожлоо байгуулсан бол хоёр дахь тоглолтоо Латвийн шигшээ багтай хийж 15-21 харьцаагаар хожигджээ. Улмаар хэсэгтээ 1 хожил, 1 хожигдолтой болж В хэсэгтээ гуравт бичигдэж байна. Тэдний дараагийн тоглолтоо маргааш орой тоглох бөгөөд 23:05 цагт Германы шигшээ багтай, 00:25 цагт Чилийн багтай тоглоно.

Харин эмэгтэй шигшээ баг эхний тоглолтоо эзэн орны буюу Бельгийн шигшээ 8:12 харьцаагаар, Польшийн багт 7:22 харьцаагаар хожигджээ. Улмаар С хэсэгтээ хоёр хожигдолтойгоор хэсгийн сүүлийг мушгиж байна. Тэдний дараагийн тоглолтоо маргааш орой буюу 01:00 цагт Доминоканы шигшээ багтай, 04:10 цагт Египтийн шигшээ багуудтай тус тус тоглоно.