Баянзүрх дүүргийн ИТХ, ЗДТГ-аас дүүргийн хэмжээнд үйл ажиллагаа явуулдаг төрийн бус байгууллагуудтай хамтран орон гэргүй өрхүүдэд туслах сайн үйлсийн аяныг тогтмол зохион байгуулдаг билээ.

Тухайлбал, “Ирээдүйн Монгол” төрийн бус байгууллага болон Солонгос улсын инчон нисэх онгоцны буудлын албан хаагчид “Гэрээр туслах хөтөлбөр”-ийн хүрээнд Баянзүрх дүүргийн Иргэдийн хурал, ЗДТГ-тай хамтран орон гэргүй зорилтод бүлгийн найман өрхөд иж бүрэн таван ханатай гэр, гал тогооны тавилгатай нь хандивласан байна.