“Улаанбаатар төмөр зам” ХНН-ийн дарга Д.Жигжиднямааг өөрийн дүү Д.Жүгдэрнямын оффшор бүс дахь компаниар мөнгө угаасан, мөн 1000 вагон оруулж ирэхдээ хуучинсан вагон оруулж ирж дундаас нь мөнгө зувчуулсан гэх хэрэгт холбогдуулан ЦЕГ-ын Эдийн засгийн гэмт хэрэгтэй тэмцэх хэлтсээс шалгаад багагүй хугацаа өнгөрсөн билээ.
Өнгөрсөн хугацаанд түүний хэрэгт олон зүйлс нэмэгдэж, улмаар өнгөрөгч долоо хоногт түүнийг яллагдагчаар татахаар УЕП-т хүсэлтээ хүргүүлсэн билээ.
Тэгвэл албан тушаалаасаа ховхордоггүй Д.Жигжиднямаа эцэст нь үнэнд гүйцэгдэв. Түүнийг албан тушаалаас нь чөлөөлж, хилийн хориг тавих шийдвэрийг Нийслэлийн Баянгол, Хан-Уул, Сонгинохайран дүүргийн Эрүүгийн хэргийн анхан шатны шүүхийн Эрүүгийн хэргийн анхан шатны шүүхээс гаргажээ. Уг шийдвэрийг УБТЗ ХНН дагаж мөрдөхөөс өөр аргагүйд хүрч байна.
Б.Тогтох