ХУРААХ

ҮЙЛ ЯВДЛЫН ТОВЧООН

Монгол Улсын нийт хүн ам

Б.Лхагва: Шатахууны үнэ 200-300 төгрөгөөр буурах боломжтой

Д.ОЮУН-ЭРДЭНЭ (сэтгүүлч)
2019-01-15

Шатахууны үнэ өчигдрөөс эхлэн 100 төгрөгөөр буурсан. Тэгвэл шатахууны үнийн зохицуулалт болон  зарим асуудлыг ШӨХТГ-ын дарга Б.Лхагваас тодрууллаа. 

-Шатахууны үнэ 100 төг­рөг­өөс илүү  буурах  боломж байсан уу. Шударга өрсөлдөөн  хэрэглэгчийн  төлөө газраас энэ талаар хэрхэн анхаарч ажиллаж байгаа вэ? 

-Шатахуунтай холбоотой асуудлаар иргэд маш их бухимдалтай байна. “Роснефт” компанийн бүтээг­дэ­хүү­ний үнэ болон валютын хэл­­бэлз­­лээс шатахууны үнэ шууд хамаарч байгаа. Ашигт  малт­малын  газарт газ­рын  тосны үнэ бүрдэлтийг нээлт­тэй бол­гох шаардлагыг удаа дараа тавьсны эцэст, үнийн  мэдээллээ олон нийтэд өгдөг  болсон. 2018 оны арванхоёрдугаар сарын хилийн үнэтэй харьцуулахад 2019 оны нэгдүгээр сард 60-70 ам.доллароор буурсан хэдий ч шатахууны үнэ дорвитой буу­рах­гүй байна. Өнгөрсөн  оны арванхоёрдугаар сард  буу­руу­лах  шаардлага  тавьсан. Цаашдаа ч шатахуу­ны үнийг буулгах  талаар  шаард­лага тавьсаар  байх  бол­но.  Өнөөдөр шатахууны үнэ 100 төгрөгөөр биш 200, 300 төгрөгөөр буурах нөхцөл бүрдлээ. Тиймээс нефть импортлогч аж ахуй нэгж байгууллагууд,  автомашин эзэмшигчдийн санаанд  хүр­тэл буулгахыг  иргэд хүсч байгаа. Бидний зүгээс арванхоёрдугаар сард орж ирсэн шатахуун хэзээ дуусаж, хэзээнээс буурсан үнээр шатахуун иргэдэд хүрэх талаар мэдээллийг нээлттэй өгөхийг шаардаж байгаа. 

-Хууль эрхзүйн  зохи­цуу­лалт хангалтгүй бай­гаа уч­раас  шатахуун  импорт­логч компаниуд дураараа шийдвэр гаргаж байна уу. Танай байгууллага ер нь ямар үүрэгтэй үнийн асуудалд оролцдог вэ?  

-Бензин  шатахуун,  нефтийн  бүтээгдэхүүнтэй хол­боо­той хууль манай улсад  байдаг. Энэ  хууль  батлагдаад  бараг  10  гаруй жил  болж байхад өнөөдрийг хүртэл нэмэлт  өөрчлөлт хийгдээгүй. Харамсалтай нь  энэ  хуульд  манай байгууллагатай хол­боо­той заалт байдаггүй. Өн­гөр­сөн  жил  бидний зүгээс нефтийн  бүтээгдэхүүний хуулийг  зайлшгүй  өөрчлөх хэрэгтэй, уг хуульд  манай байгууллагаас хүлээх  үүрэг  хариуцлагыг тодорхой зааж өгөх шаардлагатай бай­на гэдэг хүсэлтийг гар­га­сан. Хуулийг шуурхай боловс­руулж гаргаж мөрд­сө­нөөр байнга бухимдал үүсгэж байдаг  шатахуунтай холбоотой асуудал  бага багаар шийдэгдэнэ. Үгүй бол  энэ төрлийн  асуудал  байсаар  байна. Иргэд  олон  нийт ч бидэнд  хандсан  хэвээр байх болно. Өрсөлдөөний хуулиар  үнэтэй холбоотой асуудлыг давамгай болон монополь аж ахуй нэгжүүдийн  хүрээнд  авч үздэг. Жишээ нь нефтийн  компаниуд төрийн  зохи­цуу­лалт­тай шийдэж байгаа тул тэдгээр аж ахуй нэгжүүд  үгсэн  хуйвалдлаа гэдэг асууд­лаар  тогтоогдох  боломжгүй. Тиймээс үнийн  зөвлөл ажилладаг. Үнийн  зөвлөл шийдвэр гаргахад Шударга өрсөлдөөн  хэрэг­лэг­чийн  төлөө газраас саналын  эрхтэй оролцдог.  Шатахууны үнэ нэмэхгүй байх,  төрийн  зохи­цуу­лал­тын  хэмжээний санал  хэлдэг  боловч олон­хийн саналаар  шийдвэр  гарчихдаг.

-Өнгөрсөн онд гарсан өргөдөл гомдлын биелэлт хэр байв?

-Шударга өрсөлдөөн  хэрэг­лэгчийн  төлөө газрын 12- 84  төвд  нийтдээ 2593 өргөдөл  гомдол ирсэн. Эдгээрийн 7.3 хувь  буюу 178 хэрэглэгчийн 28.8 сая төгрөгтэй холбоотой хохирлыг  барагдуулсан  бай­­на. 2018 онд авсан тор­гууль шийдвэрийн хувьд Өр­сөл­­­дөө­­ний тухай хуулийн  хү­рээнд 1.8 тэрбум төг­рө­гийн торгууль  тавьсан.  Хэрэглэгчийн  эрхийг  хам­гаа­лах  хуулийн  хүрээнд 95.6  сая төгрөгийн торгууль,  Зар  сурталчилгааны тухай хуулийн хүрээнд 27 сая төгрөгийн торгууль, Зөрч­лийн  тухай хуулийн  хүрээнд 4.5  сая төгрөгийн  торгууль,  нийтдээ 1.9 гаруй тэрбумын торгууль тавьж улсын  орлого  болгосон. Шудар­га өрсөлдөөн  хэрэг­лэг­чийн төлөө газраас 2019  оныг  “Хариуцлагатай хэрэглээ, хэрэглэгчийн эр­хийн жил” болгон зарлаж байгаа. Энэ хүрээнд хамтын ажиллагааны буюу хөгжлийн  гурвалжин  гэсэн томъёоллыг  гаргаж,  хэрэглэгч,  бизнес эрхлэгчдэд төрийн  байгуул­лагууд хэрхэн уялдаа хол­боо­той ажиллах  вэ гэдэг  асуудлыг  хөндөж тавилаа. Хөгж­лийн  гурвалжинг  яам,  төрийн  байгууллага,  тө­рийн  бус  байгууллагууд  дэм­­жиж  ажиллахаа илэр­хий­лээд  байна.  Энэ  гур­вал­жинг хэрэгжүүлснээр  хэрэг­лэг­чийн эрх  ашгийг  хам­гаалж чадна гэж үзэж байгаа.