Сар шинийн баяраар замын хөдөлгөөний ачаалал учир Нийтийн тээвэрт зохицуулалт  хийдэг. Зохицуулалт хэрхэн хийж байгаа талаар Нийслэлийн Тээврийн газрын Зорчигч тээврийн сүлжээ төлөвлөлтийн мэргэжилтэн О.Хонгорзулаас тодрууллаа.

-Нийслэлийн тээврийн газраас сар шинийн баярын  өдрүүдэд ямар арга хэмжээ авч ажиллаж байгаа вэ?

-Цагаан сарын шинийн 1-3-ны өдрүүдэд нийтийн тээврийн зорчигч урсгалын ачаалал хотын  төвийн  хэс­гээр сийрэг, захын хороол­луудад ихээр нэмэгддэг. Тиймээс Нийтийн тээврийн газраас хотын захын чиг­лэ­лүүдэд үйлчлэх тээврийн  хэрэгслийн тоог нэмсэн. Үндсэн чиглэл болох Шархад, Толгойт, Нарангийн гол, Тахилт,  Нисэх гэх мэт 27 чиглэлд 43 тээврийн  хэрэс­лийг  нэмэлтээр  ажил­луу­ла­хаар  бэлтгэлээ хангаж бай­гаа. Шинийн  дөрвөн буюу хоёрдугаар сарын 8-ны өдрийг амралтын өдөр болгох шийдвэрийг Засгийн газраас гаргасан. Энэ  өдөр  энгийн амралтын  өдрийн  хуваариар буюу өглөө 08-23 цаг хүртэл үйлчилнэ. Битүүний өдөр энгийн  ажлын өдрийн  хуваа­риар  үйлчлэхээр  байгаа. Баярын өдрүүдэд нийт 700 орчим их багтаамжийн авто­бус, үндсэн 92 чиглэлд  үйл­чил­гээ үзүүлэхээр төлөв­лө­гөө гарган ажиллаж бай­на. Эдгээр өдрүүдэд авто худал­дааны төвийн  үйл  ажиллагаа зогсдог учраас Ч:60 буюу авто худалдааны цогцолбор  гэсэн чиглэл явахгүй гэж ойлгож болно.

-Өнгөрсөн жил Сар шинийн баяраар Нийс­лэлийн Тээврийн газар зор­чигч­дод үнэгүй үйлчилж байсан. Энэ жил ямар нэгэн хөнгөлөлт байгаа юу?

-Энэ жилийн хувьд ямар нэгэн, хөнгөлөлт, үнэгүй зор­чих тухай шийдвэр гараагүй. Иргэд баярын  өдрөөрөө “U money” картаа ун­шуулаад, 500 төгрөгөөрөө зорчино. Картаа өмнөх өдрүүдэд нь цэнэг­лүүлээрэй гэж зөвлөе. 

-Цагаан сарын өмнөх хоёр  өдөр бямба, ням гарагууд таарч  байна. Энэ их ачаалалтай үед ямар  арга хэмжээ авч байгаа вэ? 

-Угтан хэрэгжүүлэх арга хэм­жээ­ний хүрээнд төлөв­лөлт  хийгддэг.  Нийслэлийн тээв­рийн газраас сар шинийн баяр болох гэж буй­тай хол­богдуулж замын хөдөл­гөө­ний ачааллыг бууруулах зорил­гоор дугаарын хязгаар­лалт хийгдэх өдрүүд буюу хоёрдугаар сарын 2, 3-ны бямба, ням гарагуудад тодор­хой суурьшлын цэгүүдээс Нарантуул худалдааны төв рүү 10 их  багтаамжийн автобус 10:00, 12:30, 15:00 цагуудад үйлчилнэ. Тодорхой суурьшлын  цэг гэдэгт  нь Орбит, Нарангийн гол, ХМК, Баянхошуу, Нисэх, Яармаг, Дэнжийн 1000, Чингэлтэй, Сэлбэ амралт, Шар хад  гэсэн чиглэл багтаж байгаа.  Мөн  зорчигчдод  нэмж мэдээлэл хүргэхэд “Дэнжийн 1000”-ын замын ачааллыг сийрүүлэх зорилгоор тус замаар үйлчилдэг нийтийн тээврийн дөрвөн чиглэлийн хөдөлгөөнийг нэг урсгалаар явуулах зохицуулалт хийсэн. Ингэхдээ 08:00-17:00 цаг хүртэл Ч:21а “Булгын 19-р гудамж-Вокзал-3,4-р хороолол”, Ч:21б “Булгын 19-р гудамж-3,4-р хороолол-Вокзал”, Ч:31 “Улиастай-Баянбүрд-Зам гүүрийн авто бааз”, Ч:55 “Зайсан-Дэнжийн 1000-ЗГАБ-Согоотын гу­дамж” чиглэлүүдийн хөдөлгөөний чигт өөрчлөлт орсон  байгаа.