Нийслэлийн иргэдийн эрүүл, аюулгүй, ая тухтай орчинд аж төрөх асуудлыг шийдвэрлэх ажлын хүрээнд Улаанбаатар хотын Захирагчийн ажлын албанаас "Шарилжгүй Улаанбаатар-4" аяныг зохион байгуулж буй билээ. Өдгөө гурав дахь өдрөө үргэлжилж байгаа тус аяны хүрээнд Төв цэнгэлдэх хүрээлэнгийн эргэн тойрон дахь шарилж, лууль хөл газрын ургамлыг цэвэрлэж байгаа аж.
Аяны өдрүүдэд зориулалтын автомат хадуур /50 ш/, ажлын хувцас, бээлий, амны хаалтаар бүрэн хангасан 100 ажилтан эмнэлгүүд, төрийн өмчит Ерөнхий боловсролын сургууль, цэцэрлэг болон Сэлбэ, Дунд голын эрэг, Энхтайваны гүүрний доод хэсэг, Нарны зам дагуух нүхэн гарцуудын орчим, үерийн далан суваг, дулааны шугам, төмөр замын хамгаалалтын зурвас дагуу нийт 1.2 сая м.кв нийтийн эзэмшлийн талбайд ургасан шарилж, лууль, хөл газрын ургамлыг хуваарийн дагуу цэвэрлэж байна.