УИХ-ын гишүүн Д.Ганболдыг намын дүрэм зөрчсөн хэмээн МАН-ын Бага хурлын гишүүнээс хассан гэх мэдээлэл буй юм. Энэ талаар УИХ-ын гишүүн Д.Ганболдтой таван үг солилоо. 

-МАН-ын хяналтын хо­роо хуралдаж таныг МАН-ын Бага хурлын гишүү­нээс хассан гэх мэдээ­лэл байна. Энэ үнэн үү?

-Намайг Бага хурлын ги­шүү­нээс чөлөөлөх эсэхийг Бага хурал л шийддэг юм. Түү­­нээс биш хэн нэг улстөрж­сөн бүлэг этгээдүүд хүс­лээ гээд хасчихдаг юм огт биш. Эцсийн шийдвэрийг Бага хур­лаар хэлэлцэж байж шийднэ. 

-Тэгэхээр одоогоор Бага хурлын гишүүнээс хасаагүй байгаа гэж ойлгож болох уу?

-Чамайг хаслаа гэж надад мэдэгдсэн юм алга. 

-Намын дүрмийг удаа да­раа зөрчсөн гэх үндэслэлээр Чингэлтэй дүүргийн намын хорооны нэр бүхий гишүүд өргөдөл гаргасан гэсэн?

-Ялсан намын хийж хэрэг­жүүлж байгаа ажлыг дэмжих нэг хэсэг байхад, эсэргүүцэх хэсэг байдаг. Үүний нэг гэж ойлго. Цэвэр улс төрийн зорилготой л асуудал явж байгаа болохоос биш надад дүрэм журам зөрчсөн асуудал байхгүй. Би сайн ч муу ч сүүлийн 10 гаруй жил энэ дүүргийн намын хороог хариуцан ажиллалаа. Энэ хугацаанд хууль зөрчсөн, намын ёсзүйн дүрэм зөрчсөн нэг ч алдаа гаргаагүй. Юм хийсэн нэгнээ чичилж байгаа бол нам маань нэг талдаа дарангуйлагч боллоо гэж харж байна. 

-Та гомдолтой байна уу?

-Гомдоод байх юм алга. Үзэл бодлоо илэр­хийлснийхээ төлөө хөөгд­сөн ч гомдох зүйл алга.