УИХ-ын гишүүн асан Д.Гантулга өөрийн хүсэлтээр чөлөөлөгдөж, жирийн иргэн болсон билээ. Тиймээс Хэнтий аймгийн УИХ-ын 42 дугаар тойрогт нөхөн сонгууль болох юм. Тус тойрогт хэд, хэдэн хүний нэр дуулдаж байгаа бөгөөд МАХН-аас Н.Энхбаяр эсвэл С.Ганбаатарыг дэвшүүлж магадгүй гэсэн мэдээлэл байна. Ингээд МАХН-ын дэд дарга С.Ганбаатартай холбогдож “таван үг” солилоо.
-МАХН-аас Хэнтий аймагт Н.Энхбаяр эсвэл таныг нэр дэвшүүлнэ гэсэн мэдээлэл байна. Энэ үнэн үү?
-Хэрвээ Хэнтий аймагт Н.Энхбаяр дарга нэр дэвшвэл ялах нь тодорхой.
-Н.Энхбаяр даргыг нэр дэвшүүлэхгүй байх магадлалтай гэх мэдээлэл байна. Харин таны хувьд?
-Бидний хэн нь ч байсан ард түмнийхээ итгэлийг даана.
-Энэ асуудалд намын гишүүдийн дэмжлэг хэр байгаа вэ. Таныг дэмжих болов уу?
-Ард түмнийхээ итгэлийг даахын тулд хичээнэ, зүтгэнэ. Намаас биднийг дэмжиж байгаа. Бидний хэн нь ч нэр дэвшсэн бай дэмжих нь тодорхой.
-42 дугаар тойрог өрсөлдөөн ихтэй байгаа. Ялах магадлал хэр байгаа бол?
-Би ялна гэдэгтээ итгэлтэй байна. Найдвартай ялалт байгуулна.