Урд шөнө ОХУ-ын иргэнийг их хэмжээний мөнгөтэй явж байхад дээрэмдсэн хэрэг гарсан талаар zarig.mn сайт анхлан мэдээллээ.

Тус хэргийг Тагнуулын ерөнхий газрын  тусгай албаныхан хийсэн гэдэг мэдээлэл гараад байгаа билээ. Мөн дээрэм хийх үедээ дөрвүүлээ байсан бөгөөд байлдааны буу ашигласан болох нь шалгалтаар  тогтоогдсон гэх мэдээлэл цацагдсан юм.  

Энэ талаар ЦЕГ-ын Хэвлэл мэдээлэл хариуцсан хурандаа Б.Баатархүүгээс тодруулахад “Өчигдөр ЦЕГ-ынхан тус хэрэгтэй холбоотойгоор ажилласан нь үнэн. Яг дээрэм хийсэн эсэх нь тогтоогдоогүй байна” гэсэн тайлбарыг өглөө.