ОХУ-ын Буриад улсын Гавьяат жүжигчин, дуучин Б.Амархүү мансууруулах, сэтгэцэд нөлөөлөх бодис тээвэрлэж, хэрэглэсэн гэх зүйл ангиар өнгөрөгч онд 2 жилийн хорих ял авсан билээ. Тэгвэл дуучин залуу эдлэх ёстой ялынхаа 1.5 жилийг буюу 80 хувийг нь сайн хүмүүжилтэй эдэлсэн учраас магадлангаар суллагдсан гэх мэдээлэл тарсан. Тэгвэл дуучин залуу өөрийн нүүр номын хуудсаар дамжуулан монгол түмнээсээ уучлалт гуйсан байна.

Б.Амархүү бичихдээ, 

“Сайн байцгаана уу? Сайхан хаваржиж байна уу? Амархүү би та бүхнийхээ амрыг эрэн мэндчилж байна аа. Би өөрийнхөө гоомой алхмын уршгаар төрүүлж өсгөсөн хайрт аав, ээж, амраг хань алаг үр, АРД ТҮМНИЙХЭЭ ИТГЭЛИЙГ АЛДАЖ хуулийн хариуцлага хүлээсэн билээ.

Амьдралдаа би дэндүү гоомой, том алдаа хийсээн. Цаг хугацааг эргүүлж болдогсон бол гэж хоёр жилийн өмнөх тэр нэгэн өдрөөс хойш тархи, зүрх минь өнөөдрийг хүртэл шаналан цохилсоор. Та нарын минь надад хандаж бичсэн, хэлсэн бүхий л зүйлийг би маш зөвөөр ойлгон ухаарч байна. Та бүхний минь хэлсэн хатуу, зөөлөн бүхий л зэмлэл, зөвлөгөө миний туулж өнгөрүүлсэн хүнд хэцүү өдрүүдэд сургамж, сургааль, болон надад УХААРАЛ хайрласаан.

Би АРД ТҮМЭНДЭЭ, ҮЗЭГЧИДДЭЭ, ЭХ ОРОНДОО хайртай учраас өөрийнхөө дуу хоолойг сайн сайхны төлөө, ЗАЛУУЧУУДЫНХАА ЗӨВ АМЬДРАЛ-ын төлөө тууштай өргөх болно оо. Миний хайртай Ээж минь, Аав минь, Хайрт хань минь, Үр минь, Миний Монголын Ард түмэн минь, Залуучууд минь алдсан надад итгэл өгч тосоод авахыг бодоорой. НАДАД ИТГЭЖ , НАМАЙГ ДЭМЖЭЭРЭЙ гэж хүсэж байна. ХҮҮ НЬ ДАХИН ИТГЭЛИЙГ ТАНЬ АЛДАХГҮЙ ЭЭ. Та нарыгаа гүнээ хүндэтгэсэн Б.Амархүү” хэмээжээ.