ХУРААХ

ҮЙЛ ЯВДЛЫН ТОВЧООН

Монгол Улсын нийт хүн ам

Баянзүрх дүүрэгт олон улсын цэцэрлэгт хүрээлэн байгуулна

Б.ӨНӨРТОГТОХ (сэтгүүлч)
2021-09-06

Нийслэлийн ИТХ-ын Тэргүүлэгчид хуралдаж, Баянзүрх дүүргийн 23, 28 дугаар хороонд байгуулах Олон улсын цэцэрлэгт хүрээлэнгийн төслийг дэмжлээ. Нийслэлчүүдийн хэрэгцээ шаардлага, ая тухтай орчинд амарч зугаалах, нэг хүнд ногдох ногоон байгууламжийн тоог нэмэгдүүлэх зорилгоор “Олон Улсын цэцэрлэгт хүрээлэн ” байгуулах төслийг санаачлан  хэрэгжүүлэхээр төлөвлөсөн байна.

Уг цэцэрлэгт хүрээлэн нь 300 га талбайг хамрах бөгөөд усан оргилуур, цөөрөм, амрах сандал, хүүхдийн тоглоомын хэсэг, ногоон байгууламж, хөшөө дурсгал зэрэг иргэдийн таашаалд нийцэхүйц байхаар төлөвлөжээ. Тодруулбал, нийт 300 га талбайд 30 зүйлийн 140,000 гаруй мод сөөг буюу нийт талбайн 70 хувь, амралтын талбай, хүүхдийн тоглоомын талбайн тохижилтыг 30 хувьд хийхээр төлөвлөсөн байна.

Хүрээлэнд хүүхэд залуучууд чөлөөт цагаа зөв боловсон өнгөрүүлэх, ахмад настны нийтийн биеийн тамирыг хөгжүүлэхэд чиглэсэн олон төрлийн арга хэмжээг зохион байгуулах боломжтой аж. Энэ үеэр Баянзүрх дүүргийн Засаг дарга Н.Баярмөнх цэцэрлэгт хүрээлэн үйл ажиллагаа явуулж эхэлснээр иргэд хотын дуу чимээнээс холдож, эрүүл аюулгүй, тохилог, ногоон орчинд чөлөөт цагаа зөв боловсон өнгөрөөх, хотын төвлөрөл буурах, ногоон байгууламжийн хүртээмж сайжрах, Туул голын сав газрыг цэцэрлэгжүүлэх, агаарын бохирдлыг бууруулах зэрэг чухал ач  холбогдолтойг хэлсэн юм. Энэхүү цэцэрлэгт хүрээлэн ашиглалтад орсноор эрүүл, ая тухтай, ногоон орчинд  давхардсан тоогоор нийслэлийн 6 дүүргийн 1,000,000 гаруй хүн үйлчлүүлэх боломж бүрдэх аж.