Хятадын ачаа тээврийн "Тяньжөү-6" хөлөг хөөргөхөд бэлэн болсон гэж "China Media Group" мэдээллээ.

Мягмар гарагт хөөргөх эцсийн бэлтгэл, сургуулилт нь холбогдох бүх системийг хамарчээ.

Тухайлбал, Мягмар гарагийн өглөөний 08:00 цагаас эхлэн Бээжингийн сансрын удирдлагын төв нь Вэнчан сансрын хөлөг хөөргөх талбай, Ши-Ань хиймэл дагуулын хэмжилт хяналтын төв, түүнчлэн бусад хяналтын станц, хөлөг онгоц зэрэг олон институтийг зохицуулж, бүх системүүдийн нийцтэй байдлыг шалгасан байна.

Хятадын хөөргөх тээврийн хэрэгслийн технологийн академийн "Long March-7" зөөгч пуужингийн бүтцийн системийн захирал Зян Жоу хэлэхдээ "Сансарын хөлгийн байдал сайн байгаа бөгөөд бид хөөргөхөөс өмнөх сүүлийн секунд хүртэл түүний өөрчлөлт, параметр бүрийг анхааралтай ажиглана" гэжээ.

Сүүлийн үед орон нутагт бороо байнга орж байсан тул хөөргөх талбай нь цаг агаарын урьдчилсан мэдээг гаргахын тулд цаг уурын хяналтыг бэхжүүлжээ.

Тяньжөү-6 пуужингийн 01 командлагч Ван Юлян хэлэхдээ, бүх ангиуд бүх байгууламжид шалгалт хийсэн. "Өнөөдрийн бидний бүх нэгжийн үзлэг, хамтын ажиллагааны үндсэн дээр пуужин, сансрын хөлөг болон хөөргөх талбайн бүх систем сайн нөхцөлд байна. Бид түлш цэнэглэхээс өмнө бүх бэлтгэл ажлыг хангасан."

"Тяньжөү-6" ачааны хөлөг нь тойрог замд байгаа "Шэньжөү-15" багийнхныг зорьсон анхны сансрын хөлөг юм. Одоогоор багийнхан гар аргаар залгах ажиллагааг давтаж, хөлөг онгоцыг хүлээж байна.

Эх сурвалж:CGTN

Н.Батзаяа