Сүүлийн үед Ерөнхий сайд У.Хүрэлсүхийн Засгийн газрыг огцруулна гэх мэдээлэл гараад байгаа билээ. Түүгээр ч барахгүй Засгийн газрыг унагахаар явж буй хүмүүсийг УИХ-ын гишүүн Ё.Баатарбилэг тэр­гүүлж байгаа гэх болсон. Тиймээс түүнтэй холбогдож таван үг солилоо.

-Сайн байна уу. Сайхан шинэлэв үү. Таныг Ерөнхий сайд У.Хүрэлсүхийн Зас­гийн газрыг унагахаар ги­шүү­дээс гарын үсэг цуг­луулаад явж байгаа гэх юм. Энэ үнэн үү?

-Тийм зүйл байхгүй.

-Ирэх гуравдугаар сарын 25-нд огцруулах бичгээ УИХ-ын даргад өргөн барина гэсэн мэдээлэл бай­на?

-Өдөр судар нь бүр тодорхой болчихсон юм уу. Худлаа мэдээ­лэл байна. Тийм зүйл болохгүй.

-Хэрвээ Засгийн газрыг огцруулах гээд гарын үсэг зураач гэвэл та яах вэ. Гарын үсэг зурах уу?

-Засгийн газар тогтвортой ажиллах ёстой. Тиймээс би гарын үсэг зурахгүй. Үүнээс илүү хийх ажил их байна. Байнгын хорооны ажлаа тай­лаг­нах гээд зав муутай байна.