Онцгой байдлын ерөнхий газраас АНУ-ын Элчин сайдын яам, Энэтхэг, Номхон далайн цэргийн командлалтай хамтран жил бүр “Говийн чоно” олон улсын сургалт, дадлага сургуулийг зохион байгуулдаг уламжлалтай. Өнөө жилийн “Говийн чоно-2019” олон улсын сургалт, дадлага сургуулийг Дорноговь аймагт энэ оны есдүгээр сарын 09-23-ны өдрүүдэд Өмнөд бүсийн аймгуудыг хамруулан зохион байгуулах юм.Тус сургууль Дорноговь аймагт болохтой холбогдуулан ОБЕГ, АНУ-ын Цэргийн атташе болон холбогдох албаны төлөөллүүд тус аймагт ажиллалаа.
Ажиллах үеэрээ гамшгийн аюулаас хүн ам, эд хөрөнгө, мал амьтныг урьдчилан сэргийлэх, аврах, хор уршгийг арилгах болон мэргэжлийн анги, салбаруудыг чадавхжуулах Монгол, Америкийн аврагчдын хамтран хийх дадлага сургуулийн талаар хэлэлцэж, санал солилцлоо.