БНХАУ-ын Засгийн газраас тоо толгой нь цөөрч буй мазаалай баавгайг хамгаалах техникийн туслалцаа үзүүлэхээр шийдвэрлэсэн байдаг. Энэхүү шийдвэрийг 2017 оны тавлугаар сарын 12-ны өдрийн солилцох захидлыг үндэслэн гаргасан аж. Энэ дагуу Монгол Улсын говийн мазаалайг хамгаалах чиглэлээр техникийн туслалцаа үзүүлэх төсөл хэрэгжүүлэх тухай хэлэлцээрийг 2018 оны дөрөвдүгээр сарын 18-ны өдөр байгуулсан байдаг.
Тэгвэл төслийн хүрээнд Монголын говийн мазаалайг техникийн туслалцааны хөтөлбөрийн эхний шатны судалгааны ажилд шаардлагатай тоног төхөөрөмжийг БНХАУ-аас БОАЖЯ-нд хүлээлгэж өгөв. Судалгаанд шаардлагатай тоног төхөөрөмжид нийтдээ 660 мянга 143 юанийг зарцуулсан аж. Уг төхөөрөмжийг Говийн их дархан цаазат газрын А хэсгийн хамгаалалтын захиргаа, Монгол талын судлаач нар ашиглаж мазаалай хамгаалахад хяналт тавьж ажиллах юм.