АТГ-ын дарга Х.Энхжаргалын бүрэн эрх дуусч байгаатай холбогдуулан дараагийн асуудал яригдаж эхэллээ. Тус байгууллагын дараагийн даргад Хууль зүйн сайд асан Д.Дорлигжав болон ЦЕГ-ын дарга асан Б.Билэгт нарын нэр яригдаж байгаа гэсэн мэдээлэл байгаа юм. Энэ талаар Д.Дорлигжавтай холбогдож “таван үг” солилоо.
-Сайн байна уу. Сайхан хаваржиж байна уу. Таныг дараагийн АТГ-ын даргаар томилно гэсэн яриа гарч эхэллээ. Энэ үнэн үү?
-Би мэдэхгүй байна. Тийм мэдээлэл хараад, гайхаад л сууж байна.
-УИХ-аас таныг АТГ-ын даргаар томилвол очно биз дээ. Энэ талаар танд хэн нэгэн мэдээлэл өгсөн үү?
-Хэн ч надад ийм зүйл яриагүй бас хэлээгүй. Ямар ч мэдээлэл алга.
- АТГ-ын дарга болвол та юунаас ажлаа эхлэх вэ?
-Би завгүй байна. Гадуур жаахан ажилтай яваад байна. Ямар ч мэдээлэлгүй хүн юугаа ярих вэ дээ.