Яармагийн гүүрийг өнөөдрөөс эхлэн 10 хоногийн хугацаанд хаахаар болжээ. Учир нь БНХАУ-ын Засгийн газрын урт хугацааны хөнгөлөлттэй зээлийн хөрөнгөөр хэрэгжүүлж байгаа “Яармагийн шинэ гүүр барих, хуучин гүүрийг засварлах” төслийн хүрээнд хуучин гүүрний дам нуруу буюу доод хэсгийг засварлах ажлыг өнөөдрөөс эхлүүлж байгаа юм.
Хуучин гүүрний дам нурууг засварлах ажлыг энэ сарын 25-ны өдрийг хүртэлх хугацаанд хийж дуусгахаар төлөвлөж байгаа ажээ. Иймээс тус чиглэлд зорчих иргэдийг хөдөлгөөний эрчим, замын ачааллыг тооцон хөдөлгөөнд оролцохыг нийслэлийн Авто замын хөгжлийн газраас анхааруулж байна.