Дэлхий дахинд тархсан цар тахалын халдвар 50 саяд хүрээд байгаагийн 20 хувь нь АНУ-ын иргэд байгааг тус улсын Жон Хопкинсийн их сургуулиас мэдээлжээ. АНУ-д сүүлийн дөрвөн өдөр дараалан өдөрт 100.000-аас дээш тооны тохиолдол бүртгэгдээд байгаа аж. Тус улсын дараа Энэтхэг улс 8.5 сая, Бразил 5.6 сая, Франц 1.8 сая, манай хойд хөрш болох Орос 1.7 сая тохиолдол тус тус бүртгэгджээ.
Нэгдсэн Улсад нийтдээ 230.000 гаруй хүн Covid-19 өвчний улмаас нас бараад байгаа бол дэлхий дахинд энэ тоо 1.2 сая гаруй болоод байна.