"Улаанбаатар Гаруда" баг олимпын эрхийн төлөө өрсөлдөнө

Б.ГАНЗОРИГ
2018-07-21

FIBA 3x3-ийн олимпийн эрхийн оноо олгох хамгийн өндөр зэрэглэлийн тэмцээн болох FIBA 3x3 Saskatoon Дэлхийн Их Дуулгад оролцох Улаанбаатар Гаруда багийн хэсгийн байдал болон тоглолтын хуваарийг танилцуулж байна.

Тэмцээн энэ сарын 21,22-нд буюу энэ амралтын өдрүүдээр Канадын Саскатоон хотноо зохион байгуулагдах бөгөөд Монгол улсын Улаанбаатар Гаруда баг дэлхийн чансааны #4 Сербийн Zemun баг болон Канадын Old Montreal багуудтай тэмцээний "С" хэсэгт багтсан юм.

Улаанбаатар Гаруда багийн 21-ний өдрийн хуваарь: 
- 00:55 цагаас: Улаанбаатар Гаруда vs Old Montreal (CAN) /21-ээс 22-нд шилжих шөнө/ 
- 02:40 цагаас: Улаанбаатар Гаруда vs Zemun (SRB) /21-ээс 22-нд шилжих шөнө/

Саскатоон Их Дуулгын бүх тоглолтыг MNBA Sports суваг албан ёсны эрхтэйгээр шууд дамжуулан хүргэх болно.