Токиогийн олимпын эмэгтэйчүүдийн 68 кг-ын жинд 1/8 шигшээд ДАШТ-ий мөнгө, хүрэл медальт Францын Кумба Ларрокыг цэвэр ялсан Хөдөлмөрийн баатар С.Батцэцэг дөнгөж сая шөвгийн наймын барилдаанаа хийв.
Хөдөлмөрийн баатар С.Батцэцэг 1/4 шигшээд 2019 оны ЕАШТ-ий алт, мөнгөн медальт ОХУ-ын Ханум Вилиеваг туршлага заан 8:5-аар яллаа.
Ингэснээр манай бөх үдээс хойш 17:15 минутад хагас шигшээд Нигерийн Обарудуду, Кыргызстаны Мээрим Жуманзарова нарын ялсантай хагас шигшээд барилдахаар боллоо. С.Батцэцэг баатарын тухайд эхний барилдаандаа 0:3 харилцаатай хожигдож явсан ч сүүлийн 20 секундэд 4 оноо авч, улмаар цэвэр даралтаар өрсөлдөгчөө ялсан юм.
СОРОНЗОНБОЛДЫН БАТЦЭЦЭГ
"Токио-2020" Зуны XXXII Олимпийн наадамд ур чадвараа сорих Монголын тамирчин Соронзонболдын Батцэцэг
Спортын төрөл: Чөлөөт бөх, эмэгтэйчүүдийн 68 кг
Төрсөн огноо: 1990.05.03
Амжилт:
- "Лондон-2012" Олимпийн наадмын хүрэл,
- ДАШТ-ий хошой алт, 1 мөнгө, 1 хүрэл
- Универсиад наадмын аварга,
- Азийн АШТ-ий алт, мөнгө,
- “Mongolia open” Олон улсын тэмцээний 4 алт, 2 мөнгө, 1 хүрэл медалийн эзэн
- Улсын найман удаагийн аварга
Монголын чөлөөт бөхийн тамирчид "Токио-1964" Олимпоос эхлэн, 13 удаагийн наадамд оролцож, 4 мөнгө, 5 хүрэл медаль хүртсэн түүхтэй.