УИХ-ын гишүүн, ЗГХЭГ-ын дарга Гомбожавын Занданшатарыг УИХ-ын даргаар томилох асуудлаар УИХ-ын чуулган хуралдаж, гишүүд үг хэлж, санал гаргаж дууслаа. Улмаар хуралдааны төгсгөлд санал хураалт явсан юм. Хуралдаанд нийт 63 гишүүн оролцсоноос 60 гишүүн дэмжиж, 95.3 хувийн саналаар түүнийг дэмжлээ. Хэлэлцэх асуудлыг дэмжсэн учраас УИХ-ын дэд дарга Л.Энх-Амгалан тогтоолын төслийг уншиж танилцуулав.
Мөн УИХ-ын дарга болсонтой холбогдуулан Г.Занданшатарыг ЗГХЭГ-ын даргаас чөлөөлөх санал хураалт явуулав. Санал хураалтад нийт 65 гишүүн оролцож, 63 гишүүн зөвшөөрч, 96 хувийн саналаар түүнийг чөлөөллөө. Тогтоолын төслүүдийг өнөөдрөөс эхлэн дагаж мөрдөх юм. Мөн хуралдааны төгсгөлд УИХ-ын даргаар ажиллаж байсан УИХ-ын дарга асан М.Энхболдод гишүүд талархал илэрхийлэв.
УИХ-ын дарга Г.Занданшатарын намтрыг хүргэе.
ТӨГССӨН СУРГУУЛЬ, МЭРГЭЖИЛ
1987 онд
10 жилийн 77-р дунд сургууль
1992 онд
ОХУ-ын Эрхүү хотын Улсын Ардын Аж Ахуйн дээд сургуулийг Санхүү эдийн засагч
2012 онд
ОХУ-ын Байгалийн Эдийн засаг, эрх зүйн улсын их сургууль
АЖИЛЛАСАН БАЙДАЛ
1992-1995 онд
Зах зээлийн коллеж (ХҮДС) Маркетинг бизнес судалгааны төвд судлаач, Санхүү-Эдийн засгийн тэнхимд багш
1995-1998 онд
Хөдөө Аж Ахуйн банк Эдийн засагч, Валютын хэлтсийн ажилтан, бүтцийн өөрлөлтийн менежер, Валютын хэлтсийн захирал,
1998-2000 онд
Монгол Банк Сургалтын төвийн менежер, Хөдөө Аж Ахуйн банкинд Монгол банкны бүрэн эрхт төлөөлөгч, Эрх хүлээн авагчийн багийн гишүүн
2000-2003 онд
ХААН Банк Дэд захирал
2003-2004 онд
Монгол Улсын Хүнс Хөдөө аж ахуйн дэд сайд
2004-2008 онд
Монгол Улсын Их Хурлын гишүүн
2008-2012 онд
Монгол Улсын Их Хурлын гишүүн
2009-2012 онд
Гадаад харилцааны сайд
2012-2013 онд
Монгол Ардын Намын Ерөнхий нарийн бичгийн дарга
2013-2015 онд
АНУ-ын Стэнфордын их сургуулийн Хөгжил, Ардчилал Хуулийн засаглалын хүрээлэнд судлаач
2016 оноос
Монгол Улсын Их Хурлын гишүүн
2017 оноос
Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга
ШАГНАЛ
2004 онд
“Санхүү Банкны тэргүүний ажилтан”
2006 онд
“Эдийн засаг санхүүгийн тэргүүний ажилтан”
2009 онд
“Алтангадас” одон
2011 онд
“Онц бөгөөд бүрэн эрхт элчин сайд”
ГАДААД ХЭЛ
Англи, Орос
Б.Тогтох