Жүдо бөхийн ДАШТ үргэлжилсээр байна. Өнөөдөр эрэгтэйчүүдийн 73-т барилдаж байгаа манай хоёр бөх дөнгөж сая хоёулаа ялж, шөвгийн 16-д үлдлээ.
ОУХМ Ц.Цогтбаатар Тажикстаны Сомон Махмадбековтай тулж, нэмэлт цагт базари үнэлгээгээр буулгаж авснаар шөвгийн 16 руу орлоо. Манай бөх 8/1 шигшээд эзэн орны шилдэг бөх Рустам Оружавтай тулна.
Тэгвэл Г.Одбаяр хүнд барилдаан хийсний эцэст ялж, шөвгийн 16-д шалгарлаа. Тэрбээр Узбекстаны Тураевыг цагийн төгсгөлд хавирах мэхээр цэвэр ялж, дараагийн шат руу орсон юм. Манай бөх Солонгосын Ан Жон Сунтай дараагийн тойрогт барилдана.
57 кг-д барилдсан Л.Энхрийлэнгийн хувьд хоёрдугаар тойрогт Солонгосын бөхөд ялагдаж, тэмцээнээ дуусгасан.