Австрали улсын Брисбен хотод хятад пүүл бильярд (heyball)-ын багийн дэлхийн цомын тэмцээн нэгдүгээр сарын 16-19-ний өдрүүдэд болсон бөгөөд манай улсаас эрэгтэй, эмэгтэй тус бүр нэг баг өрсөлдлөө.
Тэмцээний эрэгтэйчүүдийн ангилалд 26 орны 86 тамирчин өрсөлдсөнөөс Монгол Улсын баг алтан медаль хүртэж, анхдугаар тэмцээний аварга болов. Багийн бүрэлдэхүүнд Э.Тэмүүжин, Л.Дэлгэрдалай, Д.Дамдинжамц багтсан байна.
Онцолбол, тус багийн анхлагч Э.Тэмүүжин нь Монгол улсаас heyball-ын спортоос төрсөн анхны ази тивийн аварга бөгөөд өмнө нь Америк пүүл бильярдын өсвөр үеийнхний ДАШТ-ээс хошой мөнгөн (2016, 2017 онд) медаль хүртэж байв.