Монголын үндэсний олимпийн хороо/МҮОХ/, Монголын триатлоны холбоо, Хил хамгаалах ерөнхий газар, Хилчин олимпийн зөвлөл, Япон Улсаас Монгол Улсад суугаа Элчин сайдын яам, Монгол Японы найрамдлын нийгэмлэгээс хамтран зохион байгуулж буй “Токио-2020” олимпийн наадмыг угтсан бамбарын аян Баян-Өлгий аймгийн Алтайн нурууны Алтай таван богдоос эхэллээ.
Монголын баруун цэгээс эхэлсэн уг аяны эхний ёслолд МҮОХ-ны Гүйцэтгэх зөвлөлийн гишүүн, Монголын триатлоны холбооны Ерөнхийлөгч Ц.Сандуй оролцож амжилт хүсэв.
Уг бамбар нь 1 жилийн хугацаанд Монголын дөрвөн цэгт аялах бөгөөд, Хөвсгөл аймгийн Монгол шарын даваа/хойд цэг/, Дорнод аймгийн Модот хамар уул/зүүн цэг/, Өмнөговь аймгийн Орвог гашууны бор толгой/урд цэг/-д аялах юм.