Испанийн Ла лигийн хоёрдугаар тойргийн тоглолтууд боллоо. Нээлтийн тоглолтод хожигдсон “Барселона” клуб энэ удаад талбайдаа “Бетис”-ыг хүлээж авч, 5:2-оор “бутниргэлээ”. Ингэснээр 3 оноотой болж, 9 дүгээр байрт бичигдэж байна.
Тоглолтын 15 дахь минутад “Бетис”-ээс Фекир гоолдож, тооны харьцааг нээсэн. Харин 41, 50 дахь минутад Каталоны багийн “Шинэ цэрэг” Гризманн хоёрыг оруулж, багтаа тэргүүлэл авчирсан юм. Түүний араас Карлес Перес 56, Альба 60, Видаль 77 дахь минутад нэг нэгийг нэмжээ. “Бетис”-ээс хоёр дахь гоолыг Морон 79 дэх минутад оруулсан байна.
Бусад тоглолтын үр дүн
Мальорка 0-1 Реал Сосьедад
Алавес 0-0 Эспаньол
Леганес 0-1 Атлетико