Хөлбөмбөгийн ДАШТ-ий хэсгийн шатны тоглолтууд эхнээсээ өндөрлөж, хасагдах шатанд учраа таарах багуудын нэр тодорсоор байна. Өнгөрсөн шөнө А, В хэсгийн тоглолтууд өндөрлөж, хасагдах шатанд шалгарах багуудын нэр тодорсон билээ.
А хэсгийг Уругвай тэргүүлж, ОХУ-ын шигшээ хоёроор гарсан. Тэгвэл В хэсгээс Испани нэгээр гарч, Португал дагалаа. Ингэснээр шөвгийн 16-д А хэсгийг тэргүүлсэн Уругвайн шигшээ В хэсгээс хоёроор гарсан Португалтай тулахаар боллоо. Харин Оросын шигшээ Испанитай тулж, дэлхийн аваргын хамгийн том шалгалтаа өгнө.
Уругвай болон Португалын тоглолт энэ сарын 30-нд болох бол Испани Орос ирэх сарын 1-нд хасагдах шатны тоглолтоо хийнэ.