ОХУ-д болж буй хөлбөмбөгийн ДАШТ-ий хэсгийн гурав дахь тоглолтууд болж байгаа билээ. Өнгөрсөн шөнө D хэсгийг тэргүүлж байсан Хорватын шигшээ баг Исландтай тулсан юм. Хорватын хувьд хэсгээс гарах нь тодорхой байсан. Харин Исланд хожиж гэмээнэ хэсгээс гарах онолын боломж байсан юм.
Гэвч Хорватын шигшээ ямархуу хүчтэй байгаагаа харуулж, өрсөлдөгчөө 2:1-ээр хожсоноор хэсэгтээ 3 хожиж, 9 оноотой, 100 хувийн амжилттайгаар хасагдах шатанд шалгарлаа. Тоглолтын 53 дахь минутад Бадель тооны харьцааг нээсэн. Гэвч Исландын лидер Сигурдссон 76 дахь минутад торгуулийн цохилтоос тэнцүүлсэн юм. Харин Перишич 90 дэх минутад Исландын найдварыг үгүй хийсэн гоолыг орууллаа. Ийнхүү Исландын үлгэр дуусч, нутаг буцлаа.