Испанийн Ла лигийн 35 дугаар тойргийн хүрээнд агуу түүхтэй хоёр баг болох “Барселона” болон “Реал Мадрид” клубүүд хоорондоо учраа таарлаа. Улирлын эхэнд “Реал”-ын талбайд тоглоход “Барса” хожсон. Тэгвэл энэ удаад “Камп Ноу” цэнгэлдэхэд хоёр баг 2:2-оор тэнцлээ.

Ингэснээр “Барса” 87 оноотой боллоо. Мөн 35 тойрогт 26 хожиж, 9 тэнцэж, ганц ч хожигдоогүй хэвээр үлдлээ. Харин “Реал Мадрид” 72 оноотой болж, Аваргуудын лигийн байраа баталгаажууллаа.

Тоглолтын 10 дахь минутад Луис Суарез энэ улирлын Ла лигийн 24 дэх гоолоо оруулсан. Харин 14 дэх минутад Роналдо тэнцүүлж, 25 дахь гоолоо шигтгэсэн юм. Тэгвэл 45 дэх минутад Сержи Роберто улаан хуудас авч, “Барса” хүн дутуу үлдсэн. Гэсэн ч 52 дахь минутад Месси 33 дахь гоолоо оруулж, багтаа тэргүүлэл авчирсан. Гэхдээ “Реал”-аас Бейл 72 дахь минутад гоолдож, тэнцүүлжээ.

Бусад тоглолтын үр дүн

Атлетико 0-2 Эспаньол

Лас-Пальмас 0-1 Хетафе