Сүмогийн холбоогийн нэгдүгээр сарын барилдаан буюу хацү башёгийн 13 дахь өдрийн барилдаан болж өнгөрлөө.

Ёкозүна Тэрүнофүжи Г.Ган-Эрдэнэ өчигдөр секиваки Таканошотой барилдаж давлаа. Улмаар 11 даваа, хоёр унаатай болжээ. Тэрбээр өнөөдөр гурван унаатайгаа тэргүүлэгчдийн эгнээнд байгаа маэгаширагийн 6-аас барилдаж байгаа Абитэй барилдана.

Тус башёг Ёкозүна Тэрүнофүжи Г.Ган-Эрдэнэ, секиваки Митакэүми нар хоюул хоёр унаатайгаар башёг тэргүүлж байгаа бол М-6 Аби, М-13 Котоновака нар гурван унаатайгаар тэдний араас нэхэж байна.

Макүүчи зиндаа:

Ёкозүна Тэрүнофүжи Г.Ган-Эрдэнэ 11-2

М-1 Кирибаяама Б.Лхагвасүрэн 5-8

М-2 Ичиножо А.Ичинноров 7-6

М-3 Тамаваши Б.Мөнх-Оргил 7-6

М-5 Чиёошома Г.Мөнхсайхан 4-9

М-6 Хошорюү С.Бямбасүрэн 9-4