NBA-ын талбайд плэйоффын дөрвөн тоглолт боллоо. Эхний тоглолт Даллас Мавирекс талбайдаа Юта Жаззыг хүлээн авч тоглож эцсийн мөчид 99-93 харьцаагаар ялагдал хүлээлээ. Улмаар цувралыг 1-0 харьцаагаар Жазз тэргүүлж эхэлсэн бол дараагийн тоглолт энэ сарын 19-ны өглөө 08:30 цагт болно.

Тус тоглолтод Донован Митчел 32 оноо, 6 самбар, 6 дамжуулалтаар багаа тэргүүлсэн бол Боян Богданович 26 оноо, Рүди Гобэр 5 оноо, 17 самбараас бөмбөг авчээ. Эсрэг багаас Лука Дончич гэмтлийн улмаас тоглоогүй бөгөөд Желин Брунсон 24 оноо, 7 самбар, 5 дамжуулалтаар багаа тэргүүлсэн бол Спенсер Динвиди 22 оноо, 8 дамжуулалтыг гүйцэтгэжээ.

Плэйоффын өнөөдөр болсон бусад тоглолтын үр дүн

• Юта Жазз 99-93 Даллас Мавирекс /1-0 Жазз тэргүүлж байгаа/
• Минносато Тембэруолвз 130-117 Мемфис Гриззлис /1-0 Тембэруолвз тэргүүлж байгаа/
• Торонто Репторс 111-131 Филадельфи 76 /0-1 Сиксерс тэргүүлж байгаа/
• Денвер Наггетс 107-123 Голдэн Стэйт Уорриорс /0-1 Уорриорс тэргүүлж байгаа/