Испанийн Ла лигийн гуравдугаар тойргийн зарим тоглолтууд өнгөрсөн шөнө боллоо. Энэ улирлыг өнгөтэй эхлүүлсэн “Реал Мадрид” клуб гуравдугаар тойрогт “Леганес”-ыг талбайдаа хүлээж авч, 4:1-ээр буулгаж авлаа. Ингэснээр гурав дараалан хожиж, 9 оноотой боллоо.
Тоглолтын 17 дахь минутад Бейл гоолдож, тооны харьцааг нээсэн. Тэгвэл Бензема 48, 61 дэх минутад дубль хийж, гангарлаа. Ингэснээр гурван тоглолтод 4 гоол оруулж, мэргэн буучийн жагсаалтын тэргүүнд бичигдэж байна. Харин “Реал”-ын дөрөв дэх гоолыг Рамос 66 дахь минутад торгуулийн цохилтоос гүйцээжээ.