Испанийн Ла лигийн гуравдугаар тойргийн зарим тоглолтууд өнгөрсөн шөнө боллоо. Энэ улирлыг гайхалтай эхлүүлээд байгаа “Барселона” клуб гуравдугаар тойрогт доод лигээс гарч ирсэн “Уэска” багийг талбайдаа хүлээж авч, 8:2-ээр бутниргэлээ.
Ингэснээр 9 оноотой болж, гоолын зөрүүгээр “Реал”-ын дээр буюу нэгдүгээр байрт бичигдэж байна. Тоглолтын 3 дахь минутад зочин багаас Эрнандес гоолдож, “шинэ цэрэг”-үүд амжилттай эхлэл тавьсан. Гэвч 16, 61 дэх минутад Месси дубль хийж, 24 дэх минутад Пулидо өөртөө авто гоол оруулсан.
Улмаар Суарез 39, 90 дэх минутад хоёр гоолоор өрсөлдөгчийнхөө хаалгыг мялаасан бол Дембеле 48, Ракитич 52, Альба 81 дэх минутад нэг нэгийг оруулжээ. Тэдний бөмбөгдөлтийн дунд 42 дахь минутад Алекс Гальяр багийнхаа хоёр дахь гоолыг оруулжээ.
Бусад тоглолтын үр дүн
Леванте 2-2 Валенсия
Алавес 2-1 Эспаньол
Бетис 1-0 Севилья