Европа лигт хоёр том баг хоорондоо тэнцэж байх зуур Францын “Марсель” клуб талбайдаа “Зальбург”-ийг хүлээж авч, 2:0-ээр буулгаж авлаа. Францын баг энэ улиралд Европа лигт тун ч хүчтэй өрсөлдөөн үзүүлж байгаа. Түүнийгээ ч баталж, тун ч сайн өрсөлдөгчөө талбайдаа хожлоо.
Тоглолтын 15 дахь минутад Товен гоолдож, тооны харьцааг нээжээ. Улмаар 63 дахь минутад Клинтон Н'Жи нэгийг нэмж, гүйцээжээ. Хариу тоглолтод “Марсель” хожигдохгүй байхад л финалд шалгарна.