БНХАУ-ын ХонгКонг хотноо 2024 оны гуравдугаар сарын 09-10-ны өдрүүдэд зохион байгуулагдсан “The 28th Asian Cities Taekwondo Championships” буюу “Азийн олон хотын аварга шалгаруулах тэмцээн”-нд Өмнөговь аймгийн Дайчин таеквондо клубын баг тамирчид багш дасгалжуулагч О.Мөнхзолбоогийн удирдлага дор Монгол улсаа төлөөлөн амжилттай оролцлоо.
Уг тэмцээн нь зөвхөн А ангилал буюу хар бүстэй мастер тамирчдын дунд зохион байгуулагддагаараа онцлог юм.
Тэмцээний ганцаарчилсан пүмсэ төрөлд:
1. Спортын дэд мастер М.Пүрэв-Очир – Алтан медаль
2. ОУХМ багш дасгалжуулагч О.Мөнхзолбоо – Хүрэл медаль
Тулаан төрөлд:
1. Спортын дэд мастер М.Пүрэв-Очир – Алтан медаль
2. Спортын мастер Т.Халиунаа – Хүрэл медаль
3. ОУХМ багш дасгалжуулагч О.Мөнхзолбоо – Хүрэл медаль тус тус хүртлээ. Спортын дэд мастер М.Пүрэв-Очир Монгол улсын баг тамирчдаас ганцаар хос алтан медалийн эзэн болжээ.