Финлянд улсын Лахти хотод пара бочигийн “Парис-2024” зуны Паралимпын эрхийн оноо олгох тэмцээн болж байна. Энэ тэмцээнд манай улсаас дасгалжуулагч С.Алтанхундага, Л.Очгэрэл нарын удирдлага дор гурван тамирчин өрсөлдлөө.
Тэмцээний эрэгтэйчүүдийн С1 ангилалд Т.Мөнхдэмбэрэл мөнгөн медаль хүртсэн бол ВС2 ангилалд Үндэсний шигшээ багийн тамирчин Х.Ирмүүн хүрэл медаль хүртжээ. Пара бочигийн спорт манай улсад 2017 онд анх үүсэн байгуулагдаж байсан бөгөөд үүнээс өмнө олон улсын тэмцээн уралдаанаас монгол тамирчин медаль хүртэж байгаагүй юм.
Мөн эмэгтэйчүүдийн ангилалд өрсөлдсөн Д.Дагмидмаа ВС2 төрөлд анхны тэмцээндээ оролцжээ.