Хасах 57кг-ын /жин/-д барилдсан Т.Ариунзаяа /Гүрү дожо/ эхний тойрогт “Залуучуудын Азийн АШТ”-ий хүрэл мeдальт Казакстан улсын Дана Абдироваг, 2 дугаар тойрогт 2024 оны “Абу Дабигийн их дуулга” тэмцээний мөнгөн медальт Зуeва Иринаг тус тус ялсанаар Б хэсгийн аваргын төлөө барилдах эрхтэй болсон ба эзэн орны тамирчин Фүчида Мэгүмид торгуулиар ялагдсан юм.
Улмаар дагах барилдаанд 2023 оны “Токиогийн их дуулга” тэмцээний мөнгөн медальт Бразил улсын Жeссика Лимаг ялж хүрэл медалийн төлөө барилдах эрхтэй болсон.
Хүрэл медалийн төлөө ДАШТ-ий мөнгө, хүрэл медальт, Азийн наадмын алт, мөнгөн медальт Япон улсын тамирчин Момо Тамаокиг нэмэлт цагт вазари үнэлгээгээр ялж “Токио их дуулга” тэмцээнээс хүрэл медаль хүртэж насанд хүрэгчдийн ангилалаас анхны мeдалиа зүүв.
Эх сурвалж: Монголын жүдо бөхийн холбоо