Английн премьер лигийн есдүгээр тойргийн сүүлчийн тоглолт өнгөрсөн шөнө боллоо. Премьер лигийн энэ тойргийг хааж “Арсенал” клуб талбайдаа “Лестер”-ийг хүлээж авч, 3:1-ээр буулгаж авсан юм. Ингэснээр 21 оноотой болж, гоолын зөрүүгээр дөрөвдүгээр байр руу орж ирлээ.
Тоглолтын 31 дэх минутад Бельерин өөрийнхөө хаалганд авто гоол оруулж, “Лестер” тэргүүлж эхэлсэн. Гэвч 45 дахь минутад Өзил тэнцүүлж дөнгсөн юм. Улмаар 63, 66 дахь минутад Обамеянг дубль хийж, энэ улирлын 6 дахь гоолоо орууллаа.