Европын Хөлбөмбөгийн холбооны хамгийн нэр хүндтэй тэмцээн болох  Аваргуудын лигийн эхний дөрвөн хэсгийн тоглолтууд өнгөрсөн шөнө боллоо. Тэгвэл А хэсэгт багтсан Германы “Боруссия Дортмунд” талбайдаа Испанийн “Атлетико Мадрид”-ыг хүлээж авч, 4:0-ээр бутниргэлээ. Ингэснээр 9 оноотой болж, хэсгээ итгэл төгс тэргүүлж байна.

Тоглолтын 38 дахь минутад Витцель гоолдож, тооны харьцааг нээсэн. Харин  73, 89 дэх минутад Геррейру хоёрыг хийсэн бол Санчо 83 дахь минутад нэгийг нэмсэн байна.

Нөгөө талд Бельгийн “Брюгге” клуб Францын “Монако”-г хүлээж авч, 1:1-ээр тэнцлээ. Ингэснээр хоёр баг нэг нэг оноотой боллоо. Тоглолтын 31 дэх минутад Силла гоолдож, “Монако” тэргүүлж эхэлсэн ч Уэсли 8 минутын дараа тэнцүүлжээ.