Багуудын дэлхийн аварга шалгаруулах тэмцээний хагас шигшээ шатанд Аваргуудын лигийн аварга Испанийн “Реал Мадрид” клуб Азийн аваргуудын лигийн аварга Японы “Касима” багийг 3:1-ээр хожсон билээ. Энэ тоглолтод “Реал”-ын хагас хамгаалагч Гарет Бейл хет-трик хийсэн.
Тэгвэл тэрбээр багуудын дэлхийн аваргад хет-трик хийсэн гурав дахь хөлбөмбөгч болж байгаа аж. Өмнө нь Месси, Роналдо нар энэ тэмцээнд хет-трик толилуулж байсан юм.